一到秋季，路上就多了許多賣大閘蟹的店舖，大家最耳熟能詳的必定是「陽澄湖大閘蟹」，但原來每年陽澄湖出20億貨，市場上卻有400億「陽澄湖大閘蟹」發賣，冒牌貨遠比真貨多出20倍！張師傅說：「蟹可以假，防偽標籤都可以假，神州大地有咩假唔到？陽澄湖出20億貨，市面流通有400億，咁你諗下會唔會買到？你係邊個先！」之前聽聞過有蟹商以一年四季皆有出產、體型較細小的草蟹偽裝成大閘蟹，未知孰真孰假。而張師傅就指，400億的山寨版陽澄湖大閘蟹中，主要是來自其他產地，質素非常參差。

​

單靠肉眼分靚蟹　外型5大特點

隻隻大閘蟹看來都差不多，最明顯只有大小之分，張師傅說4両以下為之細蟹、5両是中等、6両起則是大型大閘蟹，而每両約相等於48克。問到大閘蟹是否愈大隻愈好，他說：「適可宜止就最好，大隻啲，內部嘅膏一定多啲，但係就貴啲囉。你要好大嘅要百幾蚊隻，有人想抵食啲就買兩隻細嘅啪，咁感覺上咪食多咗隻囉。」究竟要如何挑選靚蟹呢？